အိုးပဲ့ ကို စလောင်းရွဲ့နဲ့ ဖုံးတဲ့ လီယန်ဟမ်စ်ဝသ်

မိုင်လီဆိုင်ရပ်နဲ့ လီယန်ဟမ်ဝသ် တို့ရဲ့ ဇာတ်လမ်းကတော့ အပျက်ပျက် နဲ့ နှာခေါင်းသွေး ထွက်လာပါပြီ။ ၁၀နှစ်ကျော်တွဲ ခဲ့ပြီး အိမ်ထောင်သက် တစ်နှစ်အကြာမှာ လမ်းခွဲ ခဲ့ပြီး နောက်မှာတော့ သူတို့တွေ တစ်ယောက်နဲ့ တစ်ယောက် မခံချိ မခံသာအောင် ပြောလာခဲ့ ကြပါတယ်။

အရင်တုန်းကလည်း သူတို့တွေ က ရန်ဖြစ်လိုက် ပြန်ချစ်လိုက်နဲ့ ၁၀ ကျော် ကြာအောင် တွဲခဲ့ကြတာပဲ။ ဒီတစ်ခါ လမ်းအခွဲ မှာတော့ အရင်လို မဟုတ်ကြတော့ဘဲ လေကြောင်း စစ်ဆင်ရေးတွေနဲ့ တိုက်ခိုက်နေ ကြပါတယ်။

ပြီးခဲ့တဲ့ အပတ်က မိုင်လီဆိုင်ရပ်က သူမက လီယန်ကို ဘယ်လို ပြောခဲ့လည်းဆိုတော့ သူက သူမအတွက် အိပ်ရာထဲမှာ ပထမဆုံး အိပ်ဖူးတဲ့ ယောကျ်ား မဟုတ်ဘူး လို့ ပြောခဲ့ပါတယ်။

တကယ်တော့ မိုင်လီဆိုင်ရပ်က လီယန်ကို လီယန်နဲ့ တွေ့ တဲ့အချိန်မှာ ၁၇ နှစ်သာ ရှိပါသေးတယ်။ မိုင်လီက သူမ ၁၆နှစ်ကတည်းက ယောက်ျား တစ်ယောက်နဲ့ အိပ်ရာထဲမှာ အချိန်ဖြုန်း ခဲ့ဖူးပါတယ်လို့ အင်တာဗျူး ကနေ ဖောက်ချ ခဲ့ပါတယ်။

အနောက်တိုင်းလို ဟောလီးဝုဒ်မှာ ဒီလို ဖြစ်ပျက်တာတွေက အဆန်း မဟုတ်ပေမဲ့ မိုင်းလီက လီယန်ကို နာအောင်ဆိုပြီး သူမက အဲ့ဒိလို ယောက်ျား တစ်ယောက်နဲ့ အိပ်ဖူးတာကို ၁၀ နှစ်လုံးလုံး လိမ်ထားခဲ့တယ်လို့ ပြောခဲ့ပါတယ်။ အဲ့ဒိစကားက လီယန်အတွက် နာစရာ ဖြစ်ခဲ့ပါတယ်။

သြစတေးလျှ သားကလေး ကတော့ သူ့အနေနဲ့ မိုင်လီ အဲ့လို ပြောတဲ့အတွက် ရွဲ့ ပြီးတော့ သြဂုတ်လ ၁၄ မှာ ဂယ်ဘရီဘယ်လာ ဘရုခ် နဲ့ ညစာ ထွက်စားပြခဲ့ပါတယ်။ ပရိသတ်တွေသိအောင် သူက လူလုံးပြဓာတ်ပုံ ရိုက်ခံခဲ့ပါတယ်။

မိုင်လီနဲ့ လီယန်တို့က သူတို့တွေ တွဲနေစဉ် အခါကလည်း မီဒီယာကို ရှောင်ခဲ့ကြတယ်။ သူတို့က တတ်နိုင်သလောက် မီဒီယာရဲ့ စာမျက်နှာတွေမှာ နည်းနိုင်သလောက် နည်းအောင် နေခဲ့ကြပေမဲ့ အခုတော့ သူတို့ ၂ ယောက် မီဒီယာပေါ်မှာ ဟန်ရေး တပြပြ လုပ်နေကြပါတယ်။

“ဂယ်ဘရီလာက တကယ်ပဲ ကျနော်အတွက် ကောင်းမွန်တဲ့ အဖော်တစ်ယောက်ပါ။ ၁၀နှစ်ကျော် နာကျင်ခဲ့တဲ့ ကျနော်ရဲ့ နလုံးသား တွေကို ဆေးကုပေးဖို့ အတော်ဆုံး သူနာပြုတစ်ယောက်ပါပဲ။

သူ့ကြောင့် ကျနော့်ရဲ့ ဘဝက ပိုပြီး ပီပြင်လာတယ် ထင်ရှား လာပါတယ်” လို့ သူက USမဂ္ဂဇင်း အင်တာဗျူးမှာ ဖြေခဲ့ပါတယ်။ မိုင်လီနဲ့ လီယန်တို့ ၂ ယောက်ရဲ့ ဇာတ်လမ်းမှာ ကျန်တဲ့သူတွေက သက်သက် ဓားစာခံလိုပဲ ဖြစ်သွားမလား။ နှာခေါင်း သွေးထွက်တာက မရပ်ပဲ ဆက်သွားမလာ ဆိုတာကိုတော့ စောင့်ကြည့်ရမှာပါပဲ။

မောင်ယဿ, REF: Hollywood life, Photo; US Magazine