အင်တာနက် လိုင်းမမိလို့ သစ်ပင်ပေါ်တက်ပြီး အွန်လိုင်းသင်တန်း တက်နေရတဲ့ ကျောင်းသားတွေ

အိန္ဒိယနိုင်ငံ အိုဒီရှားပြည်နယ်မှာ ပညာရေးဝန်ကြီးဌာနက အွန်လိုင်းသင်တန်းတွေ ဖွင့်ပြီး သင်ကြားမှုတွေကို လုပ်နေရာ အင်တာနက်လိုင်း မကောင်းလို့ ကျောင်းသားတွေက သစ်ပင်အမြင့်တွေပေါ် ကို တက်ပြီး၎င်း တောင်ထိပ်တွေပေါ်ကို တက်ပြီး၎င်း သင်ခန်းစာတွေကို ကြည့်ရှု့ နားထောင် နေရတဲ့အကြောင်း စာသင်ကျောင်း နဲ့ အများပြည်သူ ပညာရေး ဝန်ကြီးက ဆိုပါတယ်။

ကိုဗစ်-၁၉ကြောင့် စာသင်ကျောင်းတွေ မဖွင့်လှစ်နိုင်လို့ အွန်လိုင်းက သင်ကြားမှုတွေကို လုပ်နေရာ လက်တွေ့မှာ အခက်အခဲတွေ အများကြီး ကြုံတွေ့ နေရတယ်လို့ ဆိုပါတယ်။ အိုဒီရှားပြည်နယ်မှာ အွန်လိုင်းအတန်း တက်ဖို့ မှတ်ပုံတင်ထားတဲ့ ကျောင်းသားဦးရေက ၂ သန်းကျော် ရှိပါတယ်။

ဒါပေမဲ့ ကျန်တဲ့ ကျောင်းသား ၄ သန်း နီးပါးလောက်က အင်တာနက် အတန်းတွေကို တက်ဖို့ရာ မတတ်နိုင်ဘူး ဖြစ်နေပါတယ်။ သူတို့က မိုဘိုင်းဖုန်းတွေ လက်တော့တွေ ကိုသုံးပြီး သင်ခန်းစာတွေကို လိုက်လံ သင်ကြားဖို့အတွက် မတတ်နိုင်ဘူး ဖြစ်နေပါတယ်။

ပြည်နယ်အတွင်းရှိ နေရာ တော်တော်များများက အင်တာနတ်လိုင်း မမိတဲ့ နေရာတွေ ဖြစ်လို့ အဲ့ဒိနေရာတွေကို လိုင်းမိအောင် အမြန်ဆုံး လုပ်ဆောင်ပေးဖို့ ဝန်ကြီးချုပ် မိုဒီက ဆက်သွယ်ရေး အော်ပရေတာတွေကို မှာကြား ထားပါတယ်။

အိန္ဒိယရဲ့ သုံးရောင်ခြယ် အလံအောက်မှာ အားလုံး တန်းတူ ညီတူ ညီမျှမှု ရှိရေးအတွက် ဦးစားပေးလုပ် ဆောင်ရမယ်လို့ သူက ဆိုပါတယ်။ အင်တာနက် လိုင်းမကောင်းတဲ့ အတွက် တိုင်းပြည်မှာ အင်တာနတ် အတန်းတွေကို ဖွင့်တဲ့အခါမှာ တစ်နိုင်ငံလုံး အတိုင်း အတာအနေနဲ့ ကျောင်းသား သုံးပုံ တစ်ပုံလောက်ပဲ စာသင်ကြားခွင့် ရနေပါတယ်။

ကျန်တဲ့ ၃ပုံ ၂့ပုံ က စာသင်ကြားခွင့် မရတဲ့အပေါ် ပြည်နယ် အစိုးရတွေအနေ နဲ့ အကောင်းဆုံး နည်းလမ်းတွေကို ရှာဖွေပြီး လုပ်ဆောင်ကြဖို့လည်း အကြံပြု ထားပါတယ်။

အိုဒီရှားပြည်နယ် က ရာယာဂါဒါ ခရိုင်က ကျောင်းသားတွေ ဆိုရင် လိုင်းမိဖို့ဆိုရင် အနည်ဆုံး ၁၀ မိုင်လောက် လမ်းလျှောက် ရပါတယ်။ ဒါမှမဟုတ် တောင်တွေပေါ်ကို တက်ပြီး တောင်ထိပ်တွေမှာ အင်တာနက်သုံး ရပါတယ်။

အချို့ဒေသက ကလေးတွေဆိုရင် ရေစင်အမြင့်တွေ ပေါ်ကို တက်ပြီး ရေစင်တွေပေါ်မှာ လိုင်းသုံး ရပါတယ်။ အလွယ်ကူဆုံး နည်းကတော့ နီးစပ်ရာ သစ်ပင်အမြင့်တွေ ပေါ်မှာ လင့်စင်တွေထိုးပြီး အင်တာနက် သင်တန်း တွေမှာ သင်ကြား ကြရတာပါပဲ။

မောင်ယဿ, REF: Hindustan times, Photo; shutterlock