”အချစ် အိမ်ထောင်ရေးနဲ့ စိတ်ခံစားချက်”

ဒီဘက်ခေတ်မှာ ယောကျ်ားမိန်းမ အတော်များများဟာ အိမ်ထောင်ရေးအပေါ်ကို ယုံကြည်သက်ဝင်မှု နည်းပါးလာပြီး အိမ်ထောင်မပြုပဲ အချစ်ကို အချစ်သက်သက်နဲ့ တည်ဆောက်ချင် လာကြတာကို တွေ့မြင်လာရပါတယ်။

ဒါကလည်း တစ်ကယ့်တစ်ကယ်တော့ အပြစ်အကြီးကြီးလို့ မဆိုသာပါ။ ဘာကြောင့်လည်းလို့ဆိုရင် ခေတ်စနစ်အရ ယောကျ်ားမိန်းမတန်းတူ အလုပ်လုပ်ကြရပြီး တန်းတူ ငွေကြေး ရှာဖွေနေနိုင်ကြမှု အပေါ်မှာ များစွာ မူတည်နေတယ်လို့ မြင်မိပါတယ်။

ထက်မြက်တဲ့ အမျိုးသမီးတွေဟာ အမျိုးသားတွေရဲ့ လွှမ်းမိုးမှုကို မခံချင်ကြသလို မိမိကိုယ်ကိုယ် ယုံကြည်မှုအပြည့်ရှိတဲ့ အမျိုးသားများကလည်း ဘယ်လို သြဇာလွှမ်းမိုးမှုမျိုးကိုမှ မလိုလားနိုင်ကြတော့တာကြောင့်ပဲလို ထင်ပါတယ်။

အချစ်မရှိတော့တာဖြင့် မဟုတ်ကြသလို အချစ်ကို မလိုလားတာမျိုး sex ကို စိတ်မဝင်စားတာမျိုးလည်း မဟုတ်ပြန်ပါဘူးလို့ သုံးသပ်မိပါတယ်။ ခေတ်အခြေအနေအရ အိမ်ထောင်မှုတစ်ခု ထူထောင်ဖို့ရာ အခက်အခဲနဲ့ လိုအပ်ချက်များစွာဟာ အမျိုးသား အမျိုးသမီး စုံတွဲတို့အတွက် ဘဝရဲ့ အရေးတကြီး စိန်ခေါ်မှုအပိုင်းတွေ ဖြစ်လာတာကို တွေ့မြင်လာရပါတယ်။

Living together နေထိုင်မှုတွေ ပိုမိုအားကောင်းလာခဲ့ပြီး အတိအလင်း အိမ်ထောင်မပြုပဲ အတိအလင်းချစ် အတိအလင်းတွဲတာမျိုး မဟုတ်ပြန်တော့ပဲ ကိုယ့်နားလည်းမှုနဲ့ကိုယ် Silent တွဲတာမျိုးတွေလည်း များစွာ တွေ့မြင်လာကြရပါတယ်။

ဘယ်သို့ပင် ဆိုစေကာမူ ဖိုနှင့်မ ဆန့်ကျင်ဘက်ဟူသည်မှာ သွေးမတော်သားမစပ် သံယောဇဉ်မျိုး ဖြစ်သည့်အတွက် နှစ်နှစ်ကာကာ ချစ်ကြဖို့တော့ဖြင့် အထူး လိုအပ်ပါတယ်။ အရွယ်ရောက်ပြီးသူ ဖိုနဲ့မကြားတွင် ချစ်ခြင်းတရားဖြင့် sexကို တည်ဆောက်နိုင်ဖို့သည် အရေးကြီးသည့် အချက်ပင်တည်း။

သို့မဟုတ်ပါက အလုပ်သဘောနှင့် စက်ရုပ်သဘောသာ ဆောင်လျှက် တစ်ဦးအပေါ်တစ်ဦး ယုံကြည်ထားသည့် တည်ဆောက်မှု ပျက်ပျယ်နိုင်ကာ လူသားစစ်စစ်တို့၏ သဘောသဘာဝများ ပျောက်ဆုံးသွားနိုင်ပါသည်။

အိမ်ထောင်သည်များ ဒါမှမဟုတ် စုံတွဲများအနေနဲ့ တစ်ဦးအပေါ်တစ်ဦး နားလည်ခြင်းများဖြင့်လက်တွဲကြပြီး ဖေးမ စာနာစိတ်များဖြင့် မပြောင်းမလဲသောစိတ် တစ်သဘောတည်းထားရှိကာ  ချစ်ကြမည်ဆိုလျှင် သက်ဆုံးတိုင် တွဲလက်များ ခိုင်မြဲနိုင်မည်သာ ဖြစ်ပါတယ်။

Sex ကို ဆေးပညာအရ အံအားသင့်ဖွယ်ရာ ညွှန်းဆိုထားမှုတစ်ခုမှာ…..

အိမ်ထောင်သည်များကြား အတူခံစား နေထိုင်ကြသူများကြား မကြာခဏဆိုသလို sex ကိစ္စပြုလုပ်ခြင်းကြောင့် အောက်ပါ ကျန်းမာခြင်းရဲ့ အကျိုးကျေးဇူးများကို ရရှိနိုင်တယ်လို့ ဆိုထားပါတယ်။

၁. စိတ်ဖိစီးမှုကို လျော့ပါးစေပါတယ်။

၂. သွေးတိုး ကျဆင်းစေပါတယ်။

၃. ကိုယ်ခံစွမ်းအားစနစ်ကို ပိုမိုကောင်းမွန် တိုးတက်စေပါတယ်။

၄. ကိုယ်လက်လှုပ်ရှားမှုကို ဖြစ်ပေါ်စေပါတယ်။

၅. ကယ်လိုရီ လောင်ကျွမ်းစေပါတယ်။

၆. နှလုံးသွေးကြောကျန်းမာရေး ကောင်းမွန်စေပါတယ်။

၇. ကိုယ့်ကိုယ်ကိုယ် လေးစားစိတ် တိုးစေပါတယ်။

၈. စိတ်ဓာတ်ကြံ့ခိုင် သန်မာစေပါတယ်။

၉. ကိုက်ခဲမှု သက်သာစေပါတယ်။

၁၀. အမျိုးသားများကို ဆီးကျိတ်ကင်ဆာ ဖြစ်ပွားမှုလျော့ကျစေပါတယ်။

၁၁. တင်ပါးဆုံတစ်ဝှိုက် ကြွက်သားတွေကို သန်စွမ်းစေပါတယ်။

၁၂. နှစ်နှစ်ခြိုက်ခြိုက် အိပ်မောကျစေပါတယ်။

အချစ်ကြောင့်ပဲဖြစ်စေ အိမ်ထောင်ရေးကြောင့်ပဲဖြစ်စေ စိတ်တူသဘောတူ ဆက်ဆံကြဖို့သာ အရေးကြီးပါတယ် ဆိုတဲ့အကြောင်း နှစ်ဦးနှစ်ဘက် ကြည်ဖြူတဲ့ ဆက်ဆံရေးကို တည်ဆောက်ရင်း ကျန်းမာသာယာ ကောင်းမွန်တဲ့ သဘာဝတရားကြီးကို ပိုင်ဆိုင်ရရှိနိုင်ကြပါစေ။

# စန္ဒီမြင့်မိုရ်

Zawgyi

”အခ်စ္ အိမ္ေထာင္ေရးနဲ႔ စိတ္ခံစားခ်က္”

ဒီဘက္ေခတ္မွာ ေယာက်္ားမိန္းမ အေတာ္မ်ားမ်ားဟာ အိမ္ေထာင္ေရးအေပၚကို ယုံၾကည္သက္ဝင္မႈ နည္းပါးလာၿပီး အိမ္ေထာင္မျပဳပဲ အခ်စ္ကို အခ်စ္သက္သက္နဲ႔ တည္ေဆာက္ခ်င္ လာၾကတာကို ေတြ႕ျမင္လာရပါတယ္။

ဒါကလည္း တစ္ကယ့္တစ္ကယ္ေတာ့ အျပစ္အႀကီးႀကီးလို႔ မဆိုသာပါ။ ဘာေၾကာင့္လည္းလို႔ဆိုရင္ ေခတ္စနစ္အရ ေယာက်္ားမိန္းမတန္းတူ အလုပ္လုပ္ၾကရၿပီး တန္းတူ ေငြေၾကး ရွာေဖြေနႏိုင္ၾကမႈ အေပၚမွာ မ်ားစြာ မူတည္ေနတယ္လို႔ ျမင္မိပါတယ္။

ထက္ျမက္တဲ့ အမ်ိဳးသမီးေတြဟာ အမ်ိဳးသားေတြရဲ႕ လႊမ္းမိုးမႈကို မခံခ်င္ၾကသလို မိမိကိုယ္ကိုယ္ ယုံၾကည္မႈအျပည့္ရွိတဲ့ အမ်ိဳးသားမ်ားကလည္း ဘယ္လို ၾသဇာလႊမ္းမိုးမႈမ်ိဳးကိုမွ မလိုလားႏိုင္ၾကေတာ့တာေၾကာင့္ပဲလို ထင္ပါတယ္။

အခ်စ္မရွိေတာ့တာျဖင့္ မဟုတ္ၾကသလို အခ်စ္ကို မလိုလားတာမ်ိဳး sex ကို စိတ္မဝင္စားတာမ်ိဳးလည္း မဟုတ္ျပန္ပါဘူးလို႔ သုံးသပ္မိပါတယ္။ ေခတ္အေျခအေနအရ အိမ္ေထာင္မႈတစ္ခု ထူေထာင္ဖို႔ရာ အခက္အခဲနဲ႔ လိုအပ္ခ်က္မ်ားစြာဟာ အမ်ိဳးသား အမ်ိဳးသမီး စုံတြဲတို႔အတြက္ ဘဝရဲ႕ အေရးတႀကီး စိန္ေခၚမႈအပိုင္းေတြ ျဖစ္လာတာကို ေတြ႕ျမင္လာရပါတယ္။

Living together ေနထိုင္မႈေတြ ပိုမိုအားေကာင္းလာခဲ့ၿပီး အတိအလင္း အိမ္ေထာင္မျပဳပဲ အတိအလင္းခ်စ္ အတိအလင္းတြဲတာမ်ိဳး မဟုတ္ျပန္ေတာ့ပဲ ကိုယ့္နားလည္းမႈနဲ႔ကိုယ္ Silent တြဲတာမ်ိဳးေတြလည္း မ်ားစြာ ေတြ႕ျမင္လာၾကရပါတယ္။

ဘယ္သို႔ပင္ ဆိုေစကာမူ ဖိုႏွင့္မ ဆန႔္က်င္ဘက္ဟူသည္မွာ ေသြးမေတာ္သားမစပ္ သံေယာဇဥ္မ်ိဳး ျဖစ္သည့္အတြက္ ႏွစ္ႏွစ္ကာကာ ခ်စ္ၾကဖို႔ေတာ့ျဖင့္ အထူး လိုအပ္ပါတယ္။ အ႐ြယ္ေရာက္ၿပီးသူ ဖိုနဲ႔မၾကားတြင္ ခ်စ္ျခင္းတရားျဖင့္ sexကို တည္ေဆာက္ႏိုင္ဖို႔သည္ အေရးႀကီးသည့္ အခ်က္ပင္တည္း။

သို႔မဟုတ္ပါက အလုပ္သေဘာႏွင့္ စက္႐ုပ္သေဘာသာ ေဆာင္လွ်က္ တစ္ဦးအေပၚတစ္ဦး ယုံၾကည္ထားသည့္ တည္ေဆာက္မႈ ပ်က္ပ်ယ္ႏိုင္ကာ လူသားစစ္စစ္တို႔၏ သေဘာသဘာဝမ်ား ေပ်ာက္ဆုံးသြားႏိုင္ပါသည္။

အိမ္ေထာင္သည္မ်ား ဒါမွမဟုတ္ စုံတြဲမ်ားအေနနဲ႔ တစ္ဦးအေပၚတစ္ဦး နားလည္ျခင္းမ်ားျဖင့္လက္တြဲၾကၿပီး ေဖးမ စာနာစိတ္မ်ားျဖင့္ မေျပာင္းမလဲေသာစိတ္ တစ္သေဘာတည္းထားရွိကာ ခ်စ္ၾကမည္ဆိုလွ်င္ သက္ဆုံးတိုင္ တြဲလက္မ်ား ခိုင္ၿမဲႏိုင္မည္သာ ျဖစ္ပါတယ္။

Sex ကို ေဆးပညာအရ အံအားသင့္ဖြယ္ရာ ၫႊန္းဆိုထားမႈတစ္ခုမွာ…..

အိမ္ေထာင္သည္မ်ားၾကား အတူခံစား ေနထိုင္ၾကသူမ်ားၾကား မၾကာခဏဆိုသလို sex ကိစၥျပဳလုပ္ျခင္းေၾကာင့္ ေအာက္ပါ က်န္းမာျခင္းရဲ႕ အက်ိဳးေက်းဇူးမ်ားကို ရရွိႏိုင္တယ္လို႔ ဆိုထားပါတယ္။

၁. စိတ္ဖိစီးမႈကို ေလ်ာ့ပါးေစပါတယ္။

၂. ေသြးတိုး က်ဆင္းေစပါတယ္။

၃. ကိုယ္ခံစြမ္းအားစနစ္ကို ပိုမိုေကာင္းမြန္ တိုးတက္ေစပါတယ္။

၄. ကိုယ္လက္လႈပ္ရွားမႈကို ျဖစ္ေပၚေစပါတယ္။

၅. ကယ္လိုရီ ေလာင္ကြၽမ္းေစပါတယ္။

၆. ႏွလုံးေသြးေၾကာက်န္းမာေရး ေကာင္းမြန္ေစပါတယ္။

၇. ကိုယ့္ကိုယ္ကိုယ္ ေလးစားစိတ္ တိုးေစပါတယ္။

၈. စိတ္ဓာတ္ႀကံ့ခိုင္ သန္မာေစပါတယ္။

၉. ကိုက္ခဲမႈ သက္သာေစပါတယ္။

၁၀. အမ်ိဳးသားမ်ားကို ဆီးက်ိတ္ကင္ဆာ ျဖစ္ပြားမႈေလ်ာ့က်ေစပါတယ္။

၁၁. တင္ပါးဆုံတစ္ဝႈိက္ ႂကြက္သားေတြကို သန္စြမ္းေစပါတယ္။

၁၂. ႏွစ္ႏွစ္ၿခိဳက္ၿခိဳက္ အိပ္ေမာက်ေစပါတယ္။

အခ်စ္ေၾကာင့္ပဲျဖစ္ေစ အိမ္ေထာင္ေရးေၾကာင့္ပဲျဖစ္ေစ စိတ္တူသေဘာတူ ဆက္ဆံၾကဖို႔သာ အေရးႀကီးပါတယ္ ဆိုတဲ့အေၾကာင္း ႏွစ္ဦးႏွစ္ဘက္ ၾကည္ျဖဴတဲ့ ဆက္ဆံေရးကို တည္ေဆာက္ရင္း က်န္းမာသာယာ ေကာင္းမြန္တဲ့ သဘာဝတရားႀကီးကို ပိုင္ဆိုင္ရရွိႏိုင္ၾကပါေစ။

# စႏၵီျမင့္မိုရ္