ဘရာဇီးက သွင်းတဲ့ ရေခဲရိုက် ကြက်တောင်ပံတွေမှာ ကိုဗစ်-၁၉ ပိုးတွေ့လို့ တရုတ်ကဆို

တရုတ်နိုင်ငံ ရှန်ဇန် ဒေသဆိုင်ရာ အစိုးရက ဘရာဇီးကနေ သွင်းတဲ့ ရေခဲရိုက် ကြက်တောင်ပံတွေမှာ ကော်ရိုနာဗိုင်းရက်စ် တွေ့လို့ စားသုံးသူတွေ အနေနဲ့ အထူး သတိထားပြီး ဝယ်ယူကြဖို့အတွက် နှိုးဆော်ချက် ပြုထားပါတယ်။

ရေခဲရိုက် ပင်လယ်စာတွေ နဲ့အတူ တွဲပြီး သင်္ဘောပေါ်က ချလာတဲ့အတွက် ကြက်တောင်ပံတွေကို ထုတ်ထားတဲ့ အထုတ်တွေမှာ ကော်ရိုနာ ဗိုင်းရက်စ်တွေ ပါရှိလာပါတယ်လို့ အာဏါပိုင်တွေက ဆိုပါတယ်။

သင်္ဘောတင်တုန်းက သေသေချာချာ စစ်ဆေးပြီးမှ တင်တာ ဖြစ်ပေမဲ့ ဆိပ်ကမ်း အတင်အချ လုပ်တဲ့ အခါမှာ ရောဂါပိုးတွေ ကူးစက် လာနိုင်တယ်လို့ ခန့်မှန်း ကြပါတယ်။

နောက်ပြီး ဘရာဇီးနိုင်ငံမှာကလည်း ကိုဗစ်-၁၉ ရောဂါ ကူးစက်မှုက အလွန်မြန်စွာ ဖြစ်ပွားနေတဲ့ အတွက်ကြောင့် ကြက်တောင်ပံတွေကို ထုတ်တဲ့ ဘရာဇီးနိုင်ငံ ဆန်တာကာတာရီးနားက အော်ရိုရာ အေမန်တို စက်ရုံ ကနေ ကူးစက်မှုလည်း ဖြစ်နိုင်တယ်လို့ သုံးသပ်ကြ ပါတယ်။

အဲ့ဒိ စားသောက်ကုန်တွေနဲ့ ထိတွေ့ ဆက်ဆံခဲ့ရတဲ့ သူတွေကို ဆေးစစ်မှု ပြုလုပ်ရာမှာတော့ ဘယ်သူမှ ကူးစက် ခံရတာကို မတွေ့ရပါဘူး။ ဒါပေမဲ့ ရေခဲရိုက် အသားတွေရဲ့ မျက်နှာပြင်မှာ ကိုဗစ်-၁၉ ပိုးတွေကို တွေ့ ရတဲ့ အတွက် နိုင်ငံခြားကနေ တင်ပို့တဲ့ ရေခဲရိုက် အသားတွေကို ဝယ်ယူတဲ့နေရာမှာ အထူး သတိထားကြဖို့ အတွက် အာဏါပိုင်တွေက သတိပေးတာ ဖြစ်ပါတယ်။

တရုတ် ရှန်ဒေါင်ပြည်နယ် မြောက်ပိုင်း မြို့တစ်မြို့ ဖြစ်တဲ့ ယန်တိုင်းမှာလည်း ပင်လယ်စာ အထုတ် ၃ထုတ်မှာ ကိုဗစ်-၁၉ ရောဂါပိုးတွေ တွေ့ရှိခဲ့တယ်လို့ ဒေသခံ အာဏါပိုင်တွေက တရုတ်လူမှု ကွန်ရက် တစ်ခုဖြစ်တဲ့ ဝီဘိုမှာ သူတို့ရဲ့ တရားဝင် အကောင့်ကနေ အင်္ဂါနေ့က တင်ပြီး ပြည်သူကို အသိပေးခဲ့ပါတယ်။

နောက်ပြီး တရုတ်နိုင်ငံ အန်ဟွီခရိုင်က ဝူဟူးမြို့က စားသောက်ဆိုင် တစ်ဆိုင်မှာလည်း အီကွေဒေါက ပို့လိုက်တဲ့ ရေခဲရိုက် ပုစွန်ထုတ် တွေမှာ ကိုဗစ်-၁၉ ရောဂါပိုး ရှိကြောင်း စစ်ဆေး တွေ့ ရှိရတယ်လို့ တရုတ်အစိုးရပိုင် ရုပ်မြင်သံကြားကနေ ထုတ်လွှင့် ထားပါတယ်။

တရုတ်နိုင်ငံက တောင်အမေရိကားက တင်ပို့တဲ့ ရေခဲရိုက် အစားအသောက်တွေကို စားသောက်နေတဲ့ အတွက်ကြောင့် ကိုဗစ်-၁၉ ရောဂါ ပြန့်နှံ့မှု များနေတဲ့ တောင်အမေရိကား က သင်္ဘောတင် အစားအသောက်တွေကို အထူး သတိထားကြဖို့ ဒေသဆိုင်ရာ အာဏါပိုင်တွေက ပြည်သူတွေကို သတိပေးမှု ပြုနေပါတယ်။

မောင်ယဿ, REF: Bloomberg, Photo; business world