ခင်ပွန်းဟောင်းကို ၁၀နှစ် ကြာအောင် လိမ်ထားခဲ့တဲ့အကြောင်း မိုင်လီဆိုင်ရပ် ဖွင့်ပြောပြ

အမေရိကန် ဆယ်လီစုံတွဲတွေ ထဲမှာ ပြောစမှတ်ဖြစ်တဲ့ အတွဲကတော့ မိုင်လီဆိုင်ရပ် နဲ့လီယမ်ဟန်ဝသ် တို့အတွဲပဲ ဖြစ်ပါတယ်။ ရန်ဖြစ်လိုက် ပြန်ချစ်လိုက်နဲ့ ၁၀နှစ် ကြာအောင် တွဲခဲ့ကြပါတယ်။

၂၀၀၉ မှာ လီယမ် နဲ့ မိုင်လီတို့ စတွဲခဲ့ ကြတယ်။ ၂၀၁၂ မှာ စေ့စပ်ကြမယ်လို့ ပြောတဲ့ အထိကို သူတို့ ၂ယောက်က တွဲလိုက် ကွဲလိုက်နဲ့ ပါပဲ။ တစ်နှစ်လောက် အကြာမှာ စေ့စပ်တာ ဖျက်သိမ်းလိုက် ကြပြန်တယ်။

နောက်တစ်နှစ် ကျပြန်တော့လည်း သူတို့ ၂ ယောက်က အချစ်ဆုံး သူငယ်ချင်းတွေ ပြန်ဖြစ်သွား ပြန်ရော။ ၂၀၁၈ မှာ သူတို့ ၂ ယောက် တရားဝင် လက်ထပ်လိုက်ကြပြီး ။ ၂၀၁၉ မှာ ကွဲသွား ပြန်ရော။ သူတို့ဇာတ်လမ်း အဆုံးသက် သွားပြီလို့ တရားဝင် ကြေညာ လိုက်ပါတယ်။

သူတို့ ၂ ယောက်လုံးက မီဒီယာနဲ့ အထိအတွေ့ နည်းပါတယ်။ ဒါပေမဲ့ မနေ့ကတော့ မိုင်လီဆိုင်ရပ်ရဲ့ အင်တာဗျူးမှာက လီယမ်ကို စိတ်နာအောင် ပြောတာလားတော့ မသိ တော်တော်ဆိုးတဲ့ စကားကို ပြောခဲ့ပါတယ်။ သူမက လီယမ်နဲ့ တွဲခဲ့တဲ့ ၁၀ ကျော်ကြာ ကာလအတွင်း လိမ်ထားခဲ့တာ တစ်ခု ရှိတယ်လို့ ပြောပါတယ်။

အဲ့ဒါကတော့ လီယမ်ဝသ်နဲ့ မတွဲခင်မှာ အမျိုးသား တစ်ယောက်နဲ့ အတူတူ အိပ်ခဲ့ဖူးတယ် ဆိုတာကို ပါပဲ။ ၂၇ နှစ်အရွယ် အဆိုတော်က လီယံနဲ့ စတွဲတဲ့ အချိန်က ၁၇ နှစ်သမီးပဲ ရှိပါသေးတယ်။ သူမက အချစ်ကို မကြုံ ဖူးသေးတဲ့ အူရိုင်းလေး ပုံစံမျိုးနဲ့ လီယံကို ဆက်ဆံခဲ့ တာပါ။

အဲ့ဒိအချိန် တုန်းက သူမအသည်းတွေကွဲနေခဲ့တာပါ။ အမျိုးသားတစ်ယောက်ရဲ့ စွန့်ပစ်ထားမှု ကိုခံခဲ့ရတဲ့ မိန်းကလေးတစ်ဦးအနေနဲ့ နောက်ထပ်အချစ်ကိုမြင်တွေ့ရချိန်မှာ ပြန်ပြီးသာယာသွားတာပါလို့ သူမက ဆိုပါတယ်။

“ ကျမက ၁၆နှစ် မတိုင်မီအထိ ယောက်ျားလေးတွေနဲ့ အထိအတွေ့ အဆက်အဆံ မရှိခဲ့ပါဘူး။ ဒါပေမဲ့ အသည်းတွေ ကွဲခဲ့ရတဲ့ ကျမက ယောက်ျား တစ်ယောက်နဲ့ လက်ထပ်မိတာကိုက တော်တော်ရူး မိုက်ကျတာပဲ” လို့ ဆိုပါတယ်။

“အရှုံးသမား တစ်ယောက် ဖြစ်တဲ့ ကျမက သူ့ကို (လီယမ်) လိမ်ပြီး အချစ်ဦး ဖြစ်ပါတယ်လို့ ဆိုခဲ့ပါတယ်။ ကျမ သူ့ကို ၁၀နှစ်လုံးလုံး ညာထားခဲ့ ပါတယ်။ အမှန်တာ့ သူက ကျမဘဝရဲ့ ပထမဆုံး အိပ်ရာထဲမှာ အချိန်ဖြုန်းခဲ့သူ မဟုတ်ပါဘူး”လို့ ပြောခဲ့ပါတယ်။

ပြောမဲ့ သာပြောတာပါ သူမရဲ့ သူငယ်ချင်းတွေက အိပ်ရာထဲက အကြောင်းတွေကို သူမကို ပြောခဲ့ ဖူးပြီးသားပါ။ “ကျမ ၁၁ နှစ် ၁၂ နှစ်အရွယ် ကတည်းက သူငယ်ချင်းတွေက အဲ့ဒိကိစ္စ တွေကို ကျမကို ပြောပြခဲ့ ပြီးသားပါ။ ကျမငယ်ငယ်က ကြည့်ရတဲ့ မီနီမောက်စ်က သောက်ရမ်းကို မိုက်တဲ့ ကောင်မလေးလို့ အတွေးက ဝင်ခဲ့ပါတယ်”လို့ လည်း သူမက ဆိုပါတယ်။

မောင်ယဿ, REF: daily mirror, Photo; DM