ကျောက်မီးသွေး သုံးစွဲမှု ရပ်တန့်ဖို့ အတွက် အိန္ဒိယကို ကုလအတွင်းရေးမှူးချုပ် တောင်းဆို

ကုလသမဂ္ဂ အတွင်းရေးမှူးချုပ် အန်တိုနီယို ဂုတာရေးစ် က ဒီကနေ့ မှာ အိန္ဒိယနိုင်ငံမှာ စွမ်းအင် အရင်းအမြစ်အဖြစ် ကျောက်မီးသွေးလို ရုပ်ကြွင်း လောင်စာတွေကို သုံးစွဲမှု ရပ်တန့်ပေးဖို့ကို တောင်းဆို လိုက်ပါတယ်။ အိန္ဒိယ နီုင်ငံအနေနဲ့ ကမ္ဘာ့ စူပါပါဝါ နိုင်ငံအဖြစ် ရပ်တည်နိုင်ဖို့အတွက် သဘာဝ ပတ်ဝန်းကျင် ထိန်းသိမ်းရေး လုပ်ငန်းတွေကို လုပ်ကိုင်ဖို့ တိုက်တွန်း လိုက်ပါတယ်။

ကုလသမဂ္ဂက အိန္ဒိယကို ၂၀၂၀ နောက်ပိုင်းမှာ နောက်ထပ် ကျောင်မီးသွေး လောင်စာသုံး စက်ရုံ တွေကို မတည်ဆောက်ဖို့အတွက် ကတိကဝတ် တောင်းခံထားတာ ရှိပါတယ်။ လက်ရှိမှာ အိန္ဒိယက စီးပွားရေးအရ ဖွံ့ဖြိုး တိုးတက်လျက် ရှိနေတဲ့ အတွက်ကြောင့် သဘာဝ ပတ်ဝန်းကျင် ထိန်းသိမ်းရေး လုပ်ငန်းတွေကို ပြန်လှည့် ကြည့်စေချင်တယ်လို့ ဂုတာရေ့စ်က ဆိုပါတယ်။

“ ပြန်လည် ပြည့်ဖြိုးမြဲ စွမ်းအင်လုပ်ငန်းတွေမှာ ရင်းနှီးမြုပ်နှံ မှု တွေကို ပြုစေချင်တယ်။ ပြီးတော့ သန့်စင်ပြီး သဘာဝ ပတ်ဝန်းကျင်ကို အထောက်အကူ ပြုမယ့် သယ်ယူပို့ဆောင်ရေး လုပ်ငန်းတွေကို လုပ်စေချင်တယ်။

ကိုဗစ်-၁၉ ကပ်ရောဂါ ပြန်လည် ထူထောင်ရေး လုပ်ငန်းတွေ လုပ်နေစဉ်မှာပဲ တစ်ခါတည်းတွဲပြီး လျှပ်စစ်မီး မရတဲ့ လူဦးရေ သန်း၂၇၀ အတွက် အစီအစဉ်တွေကို လုပ်စေချင်တယ်။ အဲ့ဒိလို လုပ်ခြင်းက လူဦးရေ ၉သန်းကျော် ကို အလုပ်ပေးထားရာ ကျနေပါတယ်။ လာမယ့် ၃နှစ်အတွင်းမှာ အလုပ်အကိုင် အခွင့်အလမ်းတွေ ပိုပြီး တိုးတက် လာဖွယ်ရာ ရှိနေပါတယ်။

သဘာဝ ပတ်ဝန်းကျင်တွေကို ထိခိုက်စေတဲ့ ရုပ်ကြွင်း လောင်စာသုံးပြီး လုပ်ငန်းတွေကို လုပ်ဆောင် နေတာထက် ပြန်လည်ပြည့်ဖြိုးမြဲ စွမ်းအင်သုံး လုပ်ငန်းတွေက အလုပ်အကိုင် အခွင့် အလမ်း ၃ဆ ပိုပါတယ်” လို့ သူက နှစ်စဉ်ပြု လုပ်မြဲဖြစ်တဲ့ အစည်းအဝေးကို ဗီဒီယို ကွန်ဖရင့် လုပ်ပြီး ပြောခဲ့ပါတယ်။

ဒါ့အပြင် ဂုတာရေးစ်က လက်ရှိမှာ ပြင်သစ် ဂျာမဏီ ဗြိတိန်နဲ့ ဥရောပသမဂ္ဂ အဖွဲ့ဝင် နိုင်ငံတွေမှာ သဘာ၀ ပတ်ဝန်းကျင် ထိန်းသိမ်းရေး လုပ်ငန်းတွေကို ဦးစားပေးနေပြီ ဖြစ်တဲ့အတွက် စီးပွားရေးအတွက် ကာဗွန် ထုတ်လွှတ်မှု ကိစ္စရပ်တွေကို ရပ်တန့်နိုင်အောင် နည်းပညာ တိုးတက်မှုရှိအောင် လုပ်ဆောင်ဖို့ တိုက်တွန်း နေတာပါ။

နိုက်ဂျီးရီးယားလို နိုင်ငံမျိုးကတောင် ရုပ်ကြွင်း လောင်စာတွေကို အသုံးပြုခြင်းကို ရပ်တန့်နိုင်အောင် ကြိုးစားနေပြီ ဖြစ်လို့ စူပါပါဝါ နိုင်ငံတွေအနေနဲ့ စီးပွားအရ အောင်မြင်ရင် ပြီးရော ဆိုပြီး ကာဗွန်ထုတ်လွှတ်မှု လုပ်ငန်းတွေကို ဆက်မလုပ်ကြဖို့ အတွက်လည်း တိုက်တွန်း ထားပါတယ်။

မောင်ယဿ, REF: UPI, Photo : UPI

Zawgyi

ေက်ာက္မီးေသြး သုံးစြဲမႈ ရပ္တန႔္ဖို႔ အတြက္ အိႏၵိယကို ကုလအတြင္းေရးမႉးခ်ဳပ္ ေတာင္းဆို

ကုလသမဂၢ အတြင္းေရးမႉးခ်ဳပ္ အန္တိုနီယို ဂုတာေရးစ္ က ဒီကေန႔ မွာ အိႏၵိယႏိုင္ငံမွာ စြမ္းအင္ အရင္းအျမစ္အျဖစ္ ေက်ာက္မီးေသြးလို ႐ုပ္ႂကြင္း ေလာင္စာေတြကို သုံးစြဲမႈ ရပ္တန႔္ေပးဖို႔ကို ေတာင္းဆို လိုက္ပါတယ္။ အိႏၵိယ ႏီုင္ငံအေနနဲ႔ ကမာၻ႔ စူပါပါဝါ ႏိုင္ငံအျဖစ္ ရပ္တည္ႏိုင္ဖို႔အတြက္ သဘာဝ ပတ္ဝန္းက်င္ ထိန္းသိမ္းေရး လုပ္ငန္းေတြကို လုပ္ကိုင္ဖို႔ တိုက္တြန္း လိုက္ပါတယ္။

ကုလသမဂၢက အိႏၵိယကို ၂၀၂၀ ေနာက္ပိုင္းမွာ ေနာက္ထပ္ ေက်ာင္မီးေသြး ေလာင္စာသုံး စက္႐ုံ ေတြကို မတည္ေဆာက္ဖို႔အတြက္ ကတိကဝတ္ ေတာင္းခံထားတာ ရွိပါတယ္။ လက္ရွိမွာ အိႏၵိယက စီးပြားေရးအရ ဖြံ႕ၿဖိဳး တိုးတက္လ်က္ ရွိေနတဲ့ အတြက္ေၾကာင့္ သဘာဝ ပတ္ဝန္းက်င္ ထိန္းသိမ္းေရး လုပ္ငန္းေတြကို ျပန္လွည့္ ၾကည့္ေစခ်င္တယ္လို႔ ဂုတာေရ႕စ္က ဆိုပါတယ္။

“ ျပန္လည္ ျပည့္ၿဖိဳးၿမဲ စြမ္းအင္လုပ္ငန္းေတြမွာ ရင္းႏွီးျမဳပ္ႏွံ မႈ ေတြကို ျပဳေစခ်င္တယ္။ ၿပီးေတာ့ သန႔္စင္ၿပီး သဘာဝ ပတ္ဝန္းက်င္ကို အေထာက္အကူ ျပဳမယ့္ သယ္ယူပို႔ေဆာင္ေရး လုပ္ငန္းေတြကို လုပ္ေစခ်င္တယ္။

ကိုဗစ္-၁၉ ကပ္ေရာဂါ ျပန္လည္ ထူေထာင္ေရး လုပ္ငန္းေတြ လုပ္ေနစဥ္မွာပဲ တစ္ခါတည္းတြဲၿပီး လွ်ပ္စစ္မီး မရတဲ့ လူဦးေရ သန္း၂၇၀ အတြက္ အစီအစဥ္ေတြကို လုပ္ေစခ်င္တယ္။ အဲ့ဒိလို လုပ္ျခင္းက လူဦးေရ ၉သန္းေက်ာ္ ကို အလုပ္ေပးထားရာ က်ေနပါတယ္။ လာမယ့္ ၃ႏွစ္အတြင္းမွာ အလုပ္အကိုင္ အခြင့္အလမ္းေတြ ပိုၿပီး တိုးတက္ လာဖြယ္ရာ ရွိေနပါတယ္။

သဘာဝ ပတ္ဝန္းက်င္ေတြကို ထိခိုက္ေစတဲ့ ႐ုပ္ႂကြင္း ေလာင္စာသုံးၿပီး လုပ္ငန္းေတြကို လုပ္ေဆာင္ ေနတာထက္ ျပန္လည္ျပည့္ၿဖိဳးၿမဲ စြမ္းအင္သုံး လုပ္ငန္းေတြက အလုပ္အကိုင္ အခြင့္ အလမ္း ၃ဆ ပိုပါတယ္” လို႔ သူက ႏွစ္စဥ္ျပဳ လုပ္ၿမဲျဖစ္တဲ့ အစည္းအေဝးကို ဗီဒီယို ကြန္ဖရင့္ လုပ္ၿပီး ေျပာခဲ့ပါတယ္။

ဒါ့အျပင္ ဂုတာေရးစ္က လက္ရွိမွာ ျပင္သစ္ ဂ်ာမဏီ ၿဗိတိန္နဲ႔ ဥေရာပသမဂၢ အဖြဲ႕ဝင္ ႏိုင္ငံေတြမွာ သဘာ၀ ပတ္ဝန္းက်င္ ထိန္းသိမ္းေရး လုပ္ငန္းေတြကို ဦးစားေပးေနၿပီ ျဖစ္တဲ့အတြက္ စီးပြားေရးအတြက္ ကာဗြန္ ထုတ္လႊတ္မႈ ကိစၥရပ္ေတြကို ရပ္တန႔္ႏိုင္ေအာင္ နည္းပညာ တိုးတက္မႈရွိေအာင္ လုပ္ေဆာင္ဖို႔ တိုက္တြန္း ေနတာပါ။

ႏိုက္ဂ်ီးရီးယားလို ႏိုင္ငံမ်ိဳးကေတာင္ ႐ုပ္ႂကြင္း ေလာင္စာေတြကို အသုံးျပဳျခင္းကို ရပ္တန႔္ႏိုင္ေအာင္ ႀကိဳးစားေနၿပီ ျဖစ္လို႔ စူပါပါဝါ ႏိုင္ငံေတြအေနနဲ႔ စီးပြားအရ ေအာင္ျမင္ရင္ ၿပီးေရာ ဆိုၿပီး ကာဗြန္ထုတ္လႊတ္မႈ လုပ္ငန္းေတြကို ဆက္မလုပ္ၾကဖို႔ အတြက္လည္း တိုက္တြန္း ထားပါတယ္။

ေမာင္ယႆ, REF: UPI, Photo : UPI