ကလေး သရုပ်ဆောင်တွေနဲ့ ပတ်သက်ပြီး စိတ်ထဲ မကောင်းဘူးလို့ ဆိုတဲ့ အာဟာရာကူမာရာ

အာဟာရာကူမာရာ ဆိုတာ ဘောလီးဝုဒ်မှာ အောင်မြင်နေတဲ့ မင်းသမီးတစ်လက် မဟုတ်ပေမဲ့ တီဗီ စီရီးတွေနဲ့ ဇာတ်လမ်းတို ကားတွေမှာ သူ့ဟာနဲ့ သူတော့ အောင်မြင်မှုကို ပိုင်ဆိုင်ထားတဲ့ မင်းသမီး တစ်လက်ပါ။

အမိတာဘချန်းလို မင်းသားကြီး ကတောင် သူမရဲ့ သရုပ်ဆောင်ပညာကို ချီးမွမ်းခဲ့ရတယ် ဆိုတာက နည်းတဲ့ အရည်အချင်း မဟုတ်ပါဘူး။ လက်ခ်နောင်လို မြို့ကနေ တက်လာတဲ့ မင်းသမီး တစ်လက်ဆိုတော့ လူ့စရိုက် စုံအောင် နားလည်နေတာ မဆန်းပါဘူး။

မနေ့က သူမရဲ့ အင်တာဗျူးထဲမှာ ပြောသွားတဲ့စကား က ဘောလီးဝုဒ် ရုပ်ရှင်လုပ်ငန်းကို တော်တော် ရိုက်ခတ် သွားပါတယ်။ အွန်လိုင်းပေါ် မှာ ပြောစရာတွေ တော်တော် ဖြစ်သွားပါတယ်။

အဲ့ဒိ အကြောင်းကတော့ ကလေး သရုပ်ဆောင်တွေနဲ့ ပတ်သက်ပြီး မုန့်ဖိုး ပဲဖိုးလောက်နဲ့ ကလေးတွေကို ရုပ်ရှင် လုပ်ငန်းထဲမှာ ပတ်သက်ခိုင်းနေတာတွေ ရပ်တန့်ဖို့ ကောင်းပြီလို့ ဆိုလိုက်တဲ့ စကားပါပဲ။ “သရုပ်ဆောင် ကလေးတွေနဲ့ ပတ်သက်ပြီး တော်တော် စိတ်မကောင်း ဖြစ်ရပါတယ်။

အဲ့ဒါကလည်း သူတို့ရဲ့အပြစ် မဟုတ်ပါဘူး ၊ သူတို့မိသားတွေက ဒီလို ဖြစ်လာအောင် လုပ်ဖို့ အတွက် သူတို့ကို မွေးပေး လိုက်သလို ဖြစ်နေလို့ပါပဲ” လို့ ဆိုသွားပါတယ်။

သူမက ရုပ်ရှင်လုပ်ငန်း ပတ်ဝန်းကျင်မှာ ပျော်ပျော်ရွှင်ရွှင်နဲ့ ဖြတ်သန်းချင် နေသူပါ။ ရုပ်ရှင် ကားတစ်ကား အတွက် သရုပ်ဆောင် ရွေးချယ်ပွဲ လုပ်တိုင်း ကလေးတွေရဲ့ အခန်း ပါလာတယ် ဆိုရင် သူမက တော်တော် စိတ်မကောင်း ဖြစ်ရပါတယ်လို့ ဆိုတယ်။

“တကယ်ဆိုရင် ကလေးတွေကလည်း ဇာတ်ပို့ ဇာတ်ရံ တွေရဲ့ အခန်းကနေ ပါနေတာပဲ မဟုတ်လား။ သူတို့ကြောင့် ဇာတ် တစ်ဇာတ်ရဲ့ အရှိန်က တက်သွားတာ များပါတယ်။

ဒါပေမဲ့ သူတို့ကို ဘယ်သူကမှ လူကြီး သရုပ်ဆောင်လောက် ကြေးမပေး ကြပါဘူး။ လူကြီး ဇာတ်ပို့ ဇာတ်ရံတွေလောက် ကြေးရတဲ့ ကလေး သရုပ်ဆောင်ဆိုတာ ရာခိုင်နှုန်းနဲ့ တွက်ရင် နည်းနည်းလေးပါ” လို့ ဆိုတယ်။

ကလေး သရုပ်ဆောင်တွေကလည်း လူကြီး သရုပ်ဆောင်တွေလို အစမ်းလေ့ကျင့်တဲ့ အချိန်မှာ ပင်ပန်း ရတာပါပဲ။ အချို့ ကားတွေမှာ ဆိုရင် ကလေးတွေက စကားတစ်လုံးမှ မပြောရဘဲ သရုပ်ဆောင်ရတာ တွေ ရှိပါတယ်။

အဲ့ဒိမှာ သူတို့ရဲ့ မျက်နှာပေးလေး တစ်ချက်တည်းနဲ့ ဇာတ်ကို သယ်ယူသွား ရတာတွေ ရှိပါတယ်။ အဲ့ဒိ ကလေးတွေ ရတဲ့ အခကြေးငွေ က မုန့်ဖိုး ပဲဖိုးလောက်ပဲ ရှိပါတယ်။ ကျမ ဟောလီးဝုဒ်ကို ရောက်ဖူး ပါတယ်။

အဲ့ဒိက သရုပ်ဆောင် ရွေးပွဲတွေနဲ့ ယှဉ်လိုက် ရင် တခြားစီပါပဲ။ အဲ့ဒိက ဇာတ်ပို့ ကလေးတစ်ယောက်ကို ဒီမှာလို အလွတ်တန်း ခေါ်တာ မဟုတ်ပါဘူး။ စာချုပ် ချုပ်ပြီးမှ သေသေချာချာ လေ့ကျင့်ပြီး သရုပ်ဆောင်ခိုင်း တာပါ”လို့ ဆိုပါတယ်။

မောင်ယဿ, REF: Bollywood life, photo; biograph